Aap bilkul sahi disha mein chal rahe hai...

Jis din log apni zindagi se zyada aapki zindagi mein kya chal raha hai, usme dilchasbi (interest) lene lag jaye. Tab samajh jao ki - 

1.) Wo apne dukho se zyada, aapki khushi se pareshan hai.

2.) Aap unse kahi aage ho, aur ye unse bardash nahi ho raha.

3.) Aur aakhiri, Ki aap bilkul sahi disha mein chal rahe ho.

"GYANOMAHOTSAV " - Jaipur

Jaipur literature fest jab pehli baar organize kiya gaya hoga tab kisne socha hoga ki ye es tarah se logo ko pasand ayega ki log apne office se leave lekar, students college miss kar ke esme shamil hone ayenge. Hazaron ki bheed aur sabke chehre par vishwaas ki aaj wo kuch lekar hi jayenge . Ha Gyan, Vichaar, Sabak-Sikh aur dher sara Aatm-Vishwaas jo yaha aaker milta hai . Chota baccha ho ya bada, Writer ho ya Player, Singer ho ya phir Journalist sab yaha aate hai vichaar ki dharaein behti hai . Yaha ka aura hi esa ho jata hai ki josh aur junoon badh jata hai , Sapne bunane lagte hai aur unke pankh lagne lag jate hai . Mari huyi icchayein jaag jati hai. Esa lagta hai ki bas ab kuch karna hai . Kuch kar ke dikhana hai. Yaha bade-2 Writer,Poets,Singer,Actors,Journalist aate hai jo yaha aaye logo ko bahut kuch de jate hai, aur thoda bahut le bhi jate hai . Unhe nahi pata ki unke kahe gaye shabd kisi ki zindagi bana sakte hai . Ye motivation hi to hai jo aaj logo ko chahiye. Yaha The Dalai Lama, Mahasweta Devi, Gulzar Saheb, Javed Akhtar, Shashi Tharoor, William Dalrymple, Opra Winfrey jaise diggaj aur mahagyani yaha aate hai aur apne vichaar, apne anubhav logo tak pahuchate hai . 
Literature festival ki khaas baat yeh hai ki ese bahut hi sundar tarike se socha gaya hai, jaha art,culture,media,sports,politics,cinema aur literature ko piroya gaya hai . Sahi mayno mein yeh "GYANOMAHOTSAV " hai. Kaun es gyan ke sagar mein dubki lagana nahi chahega. 
Dekha jaye to hume us kaam ki shuruat kar deni chahiye, jo hum karna chahte hai, safalta to peeche-peeche aa hi jati hai. Aaj Jaipur Literature Festival ki shuruat hi na hoti to kya wo aaj es mukaam tak pahuchta ?

VISHWAAS kabhi kabhi Vish( jehar) ban jata hai.

Kuch bhi kar Ye-bandhe, par kisi par vishwaas na kar.
Na kar aitbaar, kisi ajnabi par.
Wo kaun hai ? Kya chahta hai ? 
Tu samajh nahi payega. 
Jise dost samjhega tu, wahi tujhe satayega.
Bahenge tere aansu aur use maza ayega.

Teri hasi se use jalan hogi,
teri tarakki par wo udaas nazar ayega.
Wo baaton hi baaton mein tujhe fasayega,
Tujhe har waqt galat raston par chalne ke liye uksayega.

Duniya badi zalim hai,
Mat kar vishwaas kisi ajnabi par,
Wo teri khushiyo ko kha jayega.
Bas khud par vishwaas kar,
Na koi tere sath aaya tha, aur na hi koi tere sath jayega.

Waqt badal jayega, Ye Waqt badal jayega.

Waqt badal jayega, Ye waqt badal jayega.
Kala- andhera, Ujalo mein badal jayega . Ye waqt badal jayega.
Sabra kar kuch aur sabra kar.
Ye waqt to yuhin nikal jayega.
Hosla na haar, mushkilen badh jayegi agar tu dagmagayegi.
Kaun tera hai, kaun lootera hai ? Ye bhi samajh jayegi . 
Sabra kar kuch aur sabra kar.

Tu aage badhne jayegi to, tujhe toka jayega- roka jayega.
Tu ladki hai ye bol kar tujhe kosa jayega.
Akele hi tujhe ladna hoga, tere sath mein jo ayega, uska bhi jeena dushvaar ho jayega.
Ye bheed hai bhediyo ki ye tujhe na samajh ayega.
Bas yaad rakh tera bhi din ayega.
jab Ye - Waqt badal jayega, Ye waqt badal jayega.

Badal gayi hai Duniya, aur badal gaye hai Hum .

Kisi ne sach kaha hai " Waqt hamesha ek sa nahi rehta ". Jab insaan khud apni kisi ek baat par nahi reh sakta to time bhi to badalta rehta hai. Agar hum theek se soche to hume mehsoos hoga ki time nahi badal raha hai, hum badal rahe hai. . . Hum badal rahe hai un situations ke sath. Pehle mobile nahi hua karte thay, tab bhi life to chalti hi thi. Aur aaj mobile ko apna liya hai humne. Pehle life itni simple and easy going nahi hua karti thi. Itni sari facilities nahi hua karti thi, aaj kitchen, modular kitchen mein transform ho gaya hai. Landline phone ki jagah tablets and i phones ne le li hai. Letter ki jagah e- mail . Newspaper ki jagah e paper.
Ghar ki jagah flats and villas ne le li hai. Aaj friends se baat karni ho ya milna ho to sab ek hi jagah par mil jate hai like : - facebook, twitter and other social networking sites. Pehle kuch likhna ho to log diary mein likha karte thay, aur aaj blog ne diary ki jagah le li hai, jaise ki abhi main kar rahi hoon. 
Pehle market jane ke liye kayi kilometer jakar khareed dari karni padti thi sabzi lana , ghar ka raashan lana. Alag- alag market jana padta tha, aur ab malls mein sab kuch milta hai ke sath sab kuch bikta hai jaise offers bhi start ho gaye hai. Pehle kabadi wala galiyo mein gum-gum kar raddi de do -raddi de do pukara karta tha aur aaj aap ek miss call karo aur wo khud aapke ghar raddi lene aa jayega. Technology mein bhi kayi badlao aaye hai jaise pehle computer aaye phir log laptop ki aur badhe aur ab enki jagah tablet ne le li hai . Pehle radio hua karta tha, phir logo ne tap recorder lana shuru kiya uske baad Cd player, home theater, i pod  na jane kitna badlao aa gaye. Aajkal cassette's to jaise gayab hi ho chuki hai. 
Agar hum baat kare shadi ki to usme bhi bahut zyada badlao aa gaye hai. Pehle dulha - dulhan milte nahi thay, sab kuch parents ki marzi se hota tha. Aur aaj shadi se pehle ladka-ladki milte hai, baat karte hai, 1-2 saal ek dusre ko samajhte hai aur phir shadi karte hai. Par afsoos itna janane aur samajhne ke baad bhi itne divorce's ho rahe hai, mis understanding badh rahi hai. Wo vishwaas jo hamare mummy- papa ke beech hai, wo nahi hai.
Itne salo mein kitna kuch badal gaya chahe wo technology ho ya hum. Hum badal gaye un situations ke according, un society, friends, family, environment,office ke according . Aaj badle hai kuch karne ke liye, aage badhne ke liye . Par kise wo purani baatein aur yaadein nahi acchi lagti. Sabko simple life chahiye. Jaha koi tension na ho, ghar walo ka sath aur wo sukoon bhara ehsaas ho. Sabko chahiye wahi sadharan sa khana, apna parivaar, chen ki neend, sacche dost, acchi job. Par aaj ki bhagam bhag mein kisi ko aaram nahi hai sab bhag rahe hai, na jane kaha ? unhe bhi nahi pata ki kaha jana hai. Bas duniya bhaga rahi hai aur wo bhag rahe hai. 
Aaj sab kuch badal gaya hai. . kuch bhi pehle jaisa nahi hai. Na dil se khushi hoti hai, na chehre par sacchi hassi. Aankho mein jhothe aansu hai kahin, to baaton mein jhoota dilasa. Samajh nahi aata ki sala " kaun apna hai, aur kaun paraya". Bas itna pata hai -"Badal gayi hai duniya, aur badal gaye hai Hum ."

Follow Your Heart But With Brain

God has gifted human beings with two precious elements i.e HEART and BRAIN. Today people work with the brain because it is the need of today's world. Emotions, sentiments are almost dead. People know, if they follow their heart then someone will snatch his or her opportunity. Nowadays it is important to work with the brain to achieve success and new heights.
But in my point of view one should follow one's heart but with brain. Then one can enjoy the true success. Because one will be successful only when he is happy by heart.

Mann Ke Sapne Hazaar

Ye "Mann" hai jo dolta rehta hai. Kabhi idhar-kabhi udhar. Manta hi nahi hai. Mera mann to mujhe poorie duniya ghumata rehta hai. Kuch kaam nahi karo to ye mann udaas ho jata hai, aur phir kuch karne lago to ye phir se kahi bhatak jata hai. 
Ye chup-chaap nahi bethta, Ul-julul karta rehta hai. Raat mein bhi ese chain nahi hai, thakta hi nahi, aur mujhe bhi nahi sone deta. Na jane kitne sapne hai es mann ke. Ye mann hi to hai jo mujhe hosla deta hai, himmat deta hai, aage badhne ke naye-naye tareeke sochta hai. Kabhi-kabhi haalat se majboor hokar ye bhi udaas ho jata hai, par ye marta nahi hai ladta hai, phir se apne aap ko sambhalta hai aur ek naya sapna dekhne lagta hai nayi raho ka, manzilon ka aur nayi uchaiyeon ka..

Motivation gives the Strength

If you fall, stand up and try it again . If you did not get success then try it more . One day, you will get it what you want. I know people laugh when you fall, they did not support you. You are the only person for yourself, nobody helps you. So, just go it on, in your own way.
People never encourage, they demotivate you. Only some are there who genuinely help you, motivate you and this is the motivation through which one can touch the sky. Always try to encourage and boost the people . It can be applicable at home , if you are parents, if you are boss, teacher etc. Always remember 
" YOUR WORDS CAN MAKE SOMEONE'S WORLD"

Friendship adds more happiness in life

Friendship is the bond of two people. It is the relationship in which one can trust on the other.
Friendship can be made with the similar age group, with elder, with mother, with poor etc.
Friendship never requires any age, caste, it never discriminates . It is pure , it is transparent .
Friendship gives you happiness, one can share laugh and enjoyment with friends.
But, the real fact is that very few or the lucky ones get a true or trustworthy friends.

Udaan Patango Ke Sath Sapno Ki

Jaipur is famous for Makar Sankranti . On this festival, jaipurites enjoy this day whole-heartedly . Everyone enjoys this day by flying kites, women make different delicacies on this day like ladoos, pakoras etc. Each and everybody goes on the terrace and enjoys kite flying . Now-a-days, people also play some rock music to add more enjoyment to the festival.
But on this day we should also take care of the lovely birds, by not flying the kites between 6 to 8 in the morning and 5 to 8 in the evening . We should give them time . So that they can arrange food for themselves and return home safely.

Sabki zindagi mein koi na koi rakshas aata hai....

Kaha jata hai ki - " Kabhi kisi ka bura mat karo" agar tum esa karte ho to ek na ek din tumhare sath bhi bura hoga. Sabko apne karmo ki saza yahi kaat kar jani hoti hai. . But ye jaroori nahi ki agar tum kisi ka bura nahi karte ho, to samne wala tumhara bura nahi karega. Tab tum kya karoge ? Uska jawab bhi maine nikal liya, ki agar esa koi karta hai to us par gussa hone ki bajaye use samjhaya jaye, ki esa kyu kar rahe ho ? Lekin jab koi rakshas ban jaye aur tumhare peeche padh jaye, tumhara jeena dushwar kar de. Bina matlab tumhe rulaye, daraye,dhamkaye. Aur tum sehte raho, ye to khud par atyachar karna hai . Kab tak tum kisi se vinamrata se baat karoge ? Kab tab kisi ko samjhaoge. Kab tak khud yun hi ghut-ghut kar jeete rahoge? Ek din to tum bhi thak jaoge .

Sabki zindagi mein koi na koi rakshas hota hai, hum chahe ya na chahe wo hamari zindagi mein aata hai aur hamari zindagi ko uthal-puthal kar deta hai . To kyu hum us rakshas ka bura na soche ? kyu hum usse nafrat na kare? Kyu? Hum insaniyat dikhate rahe, aur wo hewaniyat . 

Hume us rakshas ko khatm kar dena chahiye. Agar ese rakshas ka bura karne se tumhara bura hota hai to ho, kum se kum tum sukoon se mar sakoge . Aur Bhagwan bhi tumhara bura nahi karega kyuki kisi rakshas ko marne se paap nahi lagta . 

Phir ek naya khwaab saja...

Badal gaye raste-manzilein -khwahishein es kadar.
Na lage chaon na lage dhoop, ho gaye hum befikar.
Na umeed ki umeed ki thi, to haar ka maatam to chhana hi tha. 
Ab nayi manzil mein lag ja, tufaan aane se pehle.
Doob to sab jate hai dard mein par tu apni jaan bacha kar dikha . 
Dard sehne ki aadat ho gayi hai tujhe , tu aansu baha kar nakhre na dikha. 
Uth jaldi aur phir ek naya khwaab saja.

Roz ek khwaab sajati hoon main....

DREAMS. Yes, dreams hi to hain jo sab dekhte hai koi chote-chote, to koi bade. Sabke apne sapne hote hai, aur wo sapne itne special hote hai ki hum unhe jeena chahte hai. Ye sapne hi to hai, jo hume aage badhne ka hosla dete hai, jab thak kar haar jate hai to yahi hume jagate hai. Ye hume zindagi ko khoobsurat banana sikhate hai . Agar ye na ho to zindagi mein maza hi nahi rahega, zindagi mein kuch kar guzarne ki chah bhi mar jayegi. Matlab samjha jaye to kuch rahega hi nahi bas zindagi kaati jayegi, jee nahi jayegi. Zindagi hogi par wo mehsoos na hogi . Hazaron sapne meri aankho mein bhi hai, unke poore honi ki tamanna main bhi karti hu .
Roz ek khwaab sajati hoon main aur phir yu hi toot kar bikhar jati hoon main. 

Aakhir apna hi to blog hai

Finally I am writing my blog . Bahut saal se soch rahi thi but ab jakar ke banaya hai blog. Kabhi - kabhi jo chahte hai wo ho kahan pata hai. Chalo der aaye durust aaye. Hmmm ! Chalo aaj thoda apne se shuruwat ki jaye. I am a girl jo bahut sochti hai,who dreams a lot, I love to read, write and dance. Aur apne bare mein zyada batana theek nahi hoga. Baki to apne thoughts and views likhti rahungi . Aakhir apna hi to blog hai .